أمي
كلمات علي حنون حسن.
Ali Hanon Hasan
*************-***
امي جنه .. امي دنيه
امي منبع طيب مديوف ابحنان
امي بستان وخضار
من حضنهه اتعلمت طبع الامان
امي شوگ البيهه محنه
ايعادل اورود الجنان
ومن تنام
تنام كل الدنيا يمهه
چانت اتسولف سوالف
عن ابوي ....
وعن هذيچ العشره
ممليه ابسعاده
ومن عگبهه .. الفرحه شالت
والوسن عاف الوساده
صارت اهموم وتعب
بس كابرت ...
شالت الدنيا ابمتنهه وصابرت
ابلايه ابوي .. الحمل يثگل
تصعب اعليهه القياده
اتحملت ..
صبرت ونالت
خضرن سيگان حبهه
انترسن اورود وعطر
من دم گلبهه
وآخ لو تدرون بيه
اشگد احبهه أشگد احبهه
بقلمي علي حنون حسن العامري
***********
أجابني الاستاذ
حبيب الخفاجي
امي رحمه
امي غفران الذنوب
امي قبله
وبحضنهه من اتوب
امي ربتني اعله حبها
گالت الحب رحمه وي طيب الكلام
من قضى ربي ابكتابه
صار واجب كون احبها
واصبح العين ابدربهه
وافني عمري من اجلها
وافدي روحي في رضاها
هي جنة گاع وثمار وكمر
منها للفردوس تاخذني بحنان
اشما كتبنه مانرد فضل الطلوگ
كل شي نكتب
لمُي چنه تفصال و يلوگ
إلها حك و يمهه تحتار الحگوگ
**********
أجابتني ايضا الاستاذة الفاضلة
فضيلة العامري
امي من ينده جفنهه
الدنيا تمطر سيل غيض
وامي من يفتره سنهه
السعادة اتفيض فيض
امي من تفرش حضنهه
يصير برد الشته گيض
امي من تلولي احسهه
شايله اشچم هم ثجيل
صوت مخنوگ ابعبرته
ونار تسعر بالدليل
آخ يا صبرچ ييمه
چااا گلب امي اشيشيل
**********
اجاب ايضا الاخ
محمد نعمه العظماوي. ببيت دارمي
امي من اروح ابعيد وارجع عليه
الكه الدموع تسيل حتى من ايديه
تعليقات