مدونة مجلة نهر الكوثر الادبية

 (   ابو ذيه) افزن من يمر طرواج حيت اطوف ابكعبتج لهفان حيت هل بريح الجنان  بفرح حيت الثمه من ترد روحي عليه    (  حضن الام)  اخذني الشوگ رد بيه لدفو احضانج يهدهدني بدللولج يلاعب ثغري اغصانج اشم عطر الحياة البيج من التحف بردانج رديني الحنان البيج يريع العمر بستانج ولو مره الزعل مراج لذنه بطيب عنوانج تطشين الفرح شوباش وخفيتي الضيج واحزانج تحزمتي الصبر عنوان ريع تفيض نهرانج من مثلج جرح مالوم ما جلن خطا اجدامج الاستاذ عبد الستار العلي

 الى أمي بعيد الام  ************** أمي خبزة عافيه أمي چلمة  دافيه أمي عينها مابطلت صافيه من صب الدمع صارت غافيه أمي من انجح وجيب الشهادة تهلهل بهذاك الصوت چنه العافيه أمي طاحت أمي مرضت من وصل ليها  خبر ابنچ راح مايرجع لداره الشافيه أمي محراب وعباده والرسول من وصا بيها وگال امك هي جنه طيعها بكل تفاصيل العباده چنت أجهل كلشي بيها وهسه افديها بعمري الخمسين كله بس اخلي اسنين منهن للطفوله الي عشتها من چنت اتوسد اديها وارتوي الحب والحنان من ثديها انظر بعينها تلمع مثل نجمه وابتسامتها بوجهي تضوي جنها شمعه أه أه ياأمي شكثر عانيتي بحياتج ولا شفتي راحه  سنين مرت چنه أمس وأنت ذيج امي الصابرة المحتسبه بالله من اطب صدفه وتفز وتصيح بچلمت هله هله يابعد اهلي ونظر عيني يمه فدوه  يمه انت شمعت بيتنا الي يلمنه يمه افديج من عمري على عمرج انت أمي أنت نبضي انت كلبي ان روحي انت گلشي بحياتي من الزغر حتى مماتي من اذكرچ يمه گون تهمل عيوني  وضحگتي بوجهك  لما تشوفيني أمي. أمي. أمي شرد أكول شرد اوصف  تعجز حروف القوافي انت كل الكون عندي يمه أحبچ بكثر كل دگات گلبي بسنين عمري ...