مدونة مجلة نهر الكوثر الادبية

 تعال وشوف حالي بدونك شلون مثل حفنت رمل تنثرهة الارياح عايش وسط غربة ومالي عنوان تعب صوتي ومتت من كثر الاصياح تعال وشوف حالي وحال العيون ... من تعمة وتعاشر ضيم الاشباح تعال وشوفني بكد ما شفت ناس ولك تلكاني واحد رايح وراح دورني بمكاني وشوف الاثار تلكة وشال حزني الطافح وطاح جزة حد الصبر ما بيه الفراك جبتة امن الزغر ها باجر ارتاح  واجة باجر تعدة وعدت سنين وانة وية الزمن عركة سلاح بسلاح سيد فاضل الحيدري

 تعال وشوف..تعال وشوف فيصل بالقوافي يطوف.. تعال وشوف..فيصل بالشعر  زم الجرح ويروف.. تعال وشوف.. يل مالك وجه مكشوف.. فيصل بالفضيله والقيم معروف.. وتعال وشوف.. بالميدان جلماته حلاوة ليل.. كهوه وهيل  فرحه او ويل.. صهيل خيول.. راية  شيخ.. بريق سيوف... تعال ..وبس تعال وشوف... فوزي الحلي المسعودي

  جوابي تعال وشوف  هدوم مشگگه والهدم من صوف وكلما احجيله عن ذيج الايام  يكلي انهب وبوك وحوف لجن انا من اهل العطف والغيره والمعروف تعال وشوف علي حنون العامري

تعال وشوف  جروح الهجر تدري وإياي نفس الطول  ولك موسم وجعهن يتعب الناسوف  وشم دخانهن مو يخنگ الشعواط  عتگ من يعطبن مثل حرگ الصوف  ما بطل نزفهن راهيات إهواي  أضمدهن إبصبري. ما نفعهن روف وشدهن بالونين وملة الچانون ورچد روحي گوه وشماته إشوف  تعال وشوف  لا جية ربيع يطف خريف إجفاك عفت روحي خرابه ونام بيها الخوف  ولا خنياب يطفح يروي گاع الشوگ ولا دبرت مردي يدفع المشحوف  صرت إسنين يوسف تاكل المضموم  وحصدت العمر منجل متعب الگاطوف ولا مريت غيمه تبشر الناثور  وترش سنبل العشره وتجبر المعروف  تعال وشوف  ليش إصير عثره ودرب ما مسحوگ وتفشل العروس وتطرد الزافوف ليش إصير مشعل تحرج البستان  وشردت الحمام وبالحماد يطوف  ليش إصير حصوه وتارس المحچال  وتغني شماته الفرة الهافوف ليش إصير حوته وتفك حلگ الليل  وتفشل گمرنه وبگت خلگ الشوف تعال وشوف  شحلات الدنيا لو صارت ورد ونجوم  وتنام الحبايب والأ...

 تعال وشوف  ادور بالمحاري والبصر مكفوف وامد ايدي عله مامش خاليات جفوف وجدمي السحگ دربك شگد عطش ملهوف تعال وشوف نكرني الگناطر واعبر عله الروف سباحي غريب بديرتك عطشان لا گطرة نده وتطفي الملهوف وشمعي النطر ليلك منتجي عله الباب يشوف اجوف حنن والتدگ ادفوف وجرحي الشرب صبره بياحزن ملفوف تعال وشوف طلگت الصدگ وي ناس كله تحوف وانه طبعي وفه وي طينتي مديوف افزعلك گمر لو جلجلت دنياك ولامره تهل بغيم لو مكسوف مللت الطروش ولا يمرك طيف يدگ شباج روحك عله المحاري يطوف الاستاذ عبد الستار علي