مدونة مجلة نهر الكوثر الادبية

  مشينا وما سحگنه عوج الدروب نفرح للجزانه وگلنه نلحگ ناخذ من عگلنه خيوط للثوب رغم الناس رادت يكبر الشگ ما جاملنه وادم تحچي مگلوب ولا ديوانه لم الحثلگ رفاگتنه ثوايه واصل مهيوب وما بدل السانه چلمت الحگ ولا مدينه ادينه الزاد مغصوب ولا بينه إعله باطل راسه دنگ واذا واحد نخانه وصاح مطلوب يطگ عرج المروه وبينه نتگ مثل ماي العيون يحبه كل صوب ما خلينه سده وحمل يندگ هذاك اوجاغنه چانونه منصوب ما بخ الجمر ودلاله عتگ گصصنه صب عرگ چن وجه متعوب تغرگ مستحه بشباط الازرگ ما نلبس مخييط موش مرغوب بس ثوب الوقار وما مرتگ وعلى فراش الصلاه گلوبنه تلوب بتواضع من نسولف مو معلگ الشاعر فيصل الطفيلي