اني مو شاعر غزل شاعر جروح البيت إذا ما بيه حزن ما ينكتب... يمكن اكتبلك شعر كلش جميل وكثر مابيه شوك يركصله الكلب... وارسم بكل بيت ورده وذكريات وامسح بكل قافيه دمعة محب... وحط بيه وجنه وشفايف ذابلات وبيه حبيب منين ما تقرأه عذب... لكن اقسملك وحك صدر الحسين وحك زينب والسبي وطول الدرب... روحي ما طاوعت جمله بلا دموع وعل الغرام شما اسولفلك جذب... والشعر لو ما تخضب بالدماء يعتبر كل الشعر لهو ولعب... اني شاعر فتح عينه عله الطفوف والقصيده بروحي ميدان وحرب... ٢٠٢٣.٣.٤فوزي الحلي المسعودي