أمسية الموال الزهيري تقديم الاستاذ الشاعر فيصل الطفيلي
الشاعر الاستاذ فيصل الطفيلي
فيصل إزهيـري ردت هـاك إستمع مايلي
اكتبلك اعلـه الفـرح راح وبـعد مايلي
من راح ذاك الجنت وكت العطش مايلي
چانـون هجـره دوه وسـط الكلب وجره
شتـريد اسمعك بعد عن الحصل وجره
تـدري اشلكيت الـدمع يوم النزل وجره
فيصل سواد الصبى والكون احس مايلي
قلمي (أبو حسن الفتلاوي شاعر الليل)
********
اجابه فيصل الطفيلي
أبو حسن ألفتلاوي
والنعم يا ابو حسن چفك رهم عل الهاك
چا من ردت شوفتك اشعطلك ش الهاك
وآنه ادري من شوفتك يرجعلي حيلي الهاك
من حيث چف الذرب تشفي المريض ودوه
ما تلحگ العاشگك وجرت ناره ودوه
دوخني جنى الهوه صيح براسي ودوه
محد كشف علتي ويردلي حيلي الهاك
الشاعر فيصل الطفيلي
***********
گالولي بسك بعد دومك تحن لهواك
گضيت عمرك لهو ما بطلت لهواك
خلاك مثل الطفل والون صفه لهواك
يمته تعوف العشگ عوف العشگ شمتان
موحتى اخيك ضحك لمن طحت شمتان
راح اليشمك گبل يوم التجي شمتان
لو بيده عنك منع حتى اليشم لهواك
الشاعر سليم الجنابي النجفي
*********
من مثلي الك ياترف برقه المشاعر هوه
والـعـالـي من الـعـشگ للـگـاع مـنه هوه
لا يـمـر فـي خاطـرك وتگول ذنبه هوه
ذنـب الـدليل الـذي لعـثـم بحـالـي وشل
ابحبك)يـمـن ناضري من المـدامـع وشل
مجبور اروف الجرح بچفوف اديه وشل
چيف ابأثر فرگتك يل شوفتك چن هوه
الشاعر رياض العابدي
**********
ان چان دربك عوج دربي اني كلش / عدل
مايل لگيت البخت وياك ابد مـا / عدل
سهم الغدر ما خطه بالگصه شاچخ / عدل
ضنيتك انته الاخو غيرك بشــر / ما بده
ما ادري شنهو السبب شنهو الحده / ما بده
صفّر حَـكـم لعبتك گبل اللعـب / ما بده
تلاعبني چقه وشبر حسبالي حكمك / عدل
الشاعرة فضيلة العامري
********
ذاك السلبلي العگل ساگ ابغفل / راحله
علوه اعله نصه وطبگ گلبي وركض / راحله
مسكين يا هل الگلب ما تنقسم / راحله
مرّو عليه اشكثر غيره بشر / ماحله
ابعيني وگلت للابد حبل الوصل / ماحله
بس عشرته وللاسف طعم الصبر / ماحله
حنطات گلبي صفه وايده اصبحت / راحله
الشاعرة فصيلة العامري
*********
بجروحي أدچن ملح خافن جرح ينساك
ادريبه .. گلبك لگه . غيري محب ينساك
مو كلشي اصفر ذهب وگلاده الك ينساك
كل غالي سعره هبط بس سعرك الما نزل
وياك .. عدنه عهد .. وعله العهد .. مانزل
نتوارثه احنه الحچي لا بل حچي مانزل
وعيوني .. كفهن عمه .. لو شبهن ينساك
الشاعر طالب الفرحان
*********
یا صاح جرح الگلب ینزف و ابد ماطاب
من حیث شفت الأذی من خلتي ماطاب
یا مَن حسبتک اخو بالضیج إلي ماطاب
طالع تدور الفتن من هل فعل شان إلي
إنته التزامط چنت بین الخلگ شان إلي
چا لیش بلا ذنب هجمات الک شان إلي
بسهام ترمیني گمت وتگلي خو ما طاب
د. علي سعدون المنصوري
**********
بمروز هجرك عطش ليش اويبس ياسنه
رد الطبيب ابحزن حين الاجه ياسنه
مگطوع ماله رجه منك تره ياسنه..
ياشوگ من غربوا ماظنك ابحالهم
لا انته ناگص رشد وتسترشد ابحالهم ..حلهم
ما أظل تالي العمر مشدوه وبحالي هم..
ولا أسأل اني بعدايرجعون الي ياسنه…
الشاعر. عبدالاميرابوالشون البديري
************
عشرتنه من الصبا لوعات بيهه.........شفت
وجروحي ياصاحبي بعشرتنه ظني...شفت
لكن ويا للأسف نهر الوفه شو..........شفت
مر بيه طيفك أمس عاد الزمان ال....مضه
فزز جروحي الغفت وسيفك البيهن...مضه
وهمان بمحبتك وابهامي الك من .....مضه
والأشد ياصاحبي شماتي بيه.........شفت
الشاعر ابو عقيل الدغاري
*********
ياصاح كافي الهجــر مـن غيبتك بس عود
بجفاك گلبي إبحـزن ماعاش أبـد بس عود
حال الفقير إصبحت يومن رحت بس عود
والجسد مـن غيبتك مطـروح چـثه بلحد
غــدار هـذا الــوكت مايـوم يـصحه لحد
ضـاگت عليًّ دنيتي ياخـوي وصلت لحد
موتي دنـه والأجـل ربك حكم بس عود
الشاعر((وميض الشمري))
***********
الارض نفس الارض والسمه نفس ال.....سمه
الوادم اتغيرت بس قله منهم .............سمه
ومنهم الكثر الطمع حته ضميره.... سمه
عالباطل وللاسف ناس اشكثر هم........صفت
وسفه مياه الوفه عكره ابد ما.............صفت
ماكو وفه بهلزمن بس المصالح .........صفت
والماله بيهه نفع حته انشطب...أ.......سمه
قلمي ابو عقيل الدغاري المطوكي
***********
يـاصاح شـوف الــدمـع فـوگ الخـدود أشجره
تـنشـدني ألمـن بـعـد عـالـصار بيـه أشجره
وموسم خريف اشتظن هم تزهي بيه اشجره
ناحـل وحيــد اصبـحت لا ولـــف ضـل ودار
مـوحشه اخـلاف الـمحب والـوكت جـار ودار
العيـن بشحمـها بـچـت مـو دمـع صب ودار
والــعمـر كـارة حـطب ابتنـور دهــري اشجره
الشاعر مهند الطائي
*********
مطعون من الدهر شيريد مني وشله
ينزف جرح مهجتي وين اليخيطه وشله
دمع البيابي نشف ما بيه بعد وشله
عانيت من الزغر والهم سلب راحتي
عكس البشر شيبَت شيبي ترس راحتي
جندوب واليا متى تطحن صبر راحتي
شيفيد بعد الصبر بالماي بلمي وشله
وينه اليعمل المعروف وشلاه
جرحي؛ والصبر مابيه وشلاه
الدهر شيريد مني بعد وشلاه
عندي؛ وشو حرب معلن عليّه
الشاعر. مالك السرحان
********
ياصـاح راد الوكت اخـضـع واطـخ هامله
مـايـدري بـيـه صـلــف ابــدآ فــلا هامله
والعـيـن تذرف دمـع بس عالـولـف هامله
ياوسـفـه ولـف الـجـهـل راح وبـعـد مارد
هـاجـر شـريـچ العگل والـگـلبـي انـا مارد
ريض صحت وانشرگ صوتي وعلي مارد
بيـدر صفه هـم الـي يگـضـي ويرد هامله
ياصاح حملي وگع محد نهض عانله
وياحيف بيه شمت ذاك الچنت عانله
ياوسفه هسه نكر گلبي شكثر عانله
جافاني يوم ال بي بانت عَلَيّ خله
شامت عليه صفى ماچن انا خله
اليثگل گلت صاحبي ذبه وعَلَيّ خله
خابت ظنوني أَسَف جدمي اخف عانله
الشاعر مالك السرحان
***********
محلاه يبدي الشعر بكلمت البسمه
وعباس وكت الحرب وي الغضب بسمله
وللماي لا ماشرب قسم قسم بسمله
يل الشجاع وصف خذ بالعده باسله
وگفاته ظلت ضخر طول العمر باسله
ويوم الولاده علي جف الكفل باسله
والرايه مسجله من انولد بسمله
الشاعر فلاح الماجدي
***********-
ما نمت ليلي بهنه
من شفت عندك ولم
شخصك سكن ناظري
ماحيد عنك ولم
سنيني خلافك عدم
وصلك جمعهن ولم
من حيث بيك ابتشر
يضحك الك سن الي
مايوم امل عشرتك
لو، ميه اعد سن الي
ال گبلي حب او عشگ
قانون اله سن الي
الذاب گلبه او عشگ
شينفع عتابه او ولم
الشاعر سليم عبد الفرحاني
***********
هذا الوكت شو صفه للعنده حال ومال
ومحد يجذبه تره لو منه كل ومال
والماله مال انترك ومحد لحچيه مال
وما تاخذ احچايته ناسه وبعد كل هله
ومحد ينشده شتحب ومحد يكله هله
وبس الدمع صاحبه فوك الوجه من هله
وبوحده عايش تره وباني بعيشه ا مال
الشاعر. مهدي الشيحاني
*************
واليل نفس الصبح هم اليل اشوفه ظهر
حضي أنه وي الربع ماكعد بين ظهر
سلمت دارو وجه فوكاهه دارو ظهر
الحضريت وله غبت عنهم نفس الشكل
اوجوه متقلبه ومتغيره لون وشكل
ولاواحد الي نشد عني اشرب وشكل
شيبت وانه طفل شيب البراسي ضهر
الشاعر كاظم الزاملي
************
ياصاح همي كثر والمرض الاكثر بعد
والفجر طول علي من شال مني بعد
شمظموم الي بدنيتي وشعدها تطلب بعد
من التريده اخس خلتني عظم ويلد
ليش نحبه صبح اوياي كلبه يلد
هو الجفه والكطع يخلف يصاحب يلد
غير الكره والحقد معلوم تدري بعد
الشاعر كاظم الزاملي
************
يامن جفاك الرحم اگصد لرحمك وصل
وبسـط الــه يمنتك لاتگطع اويا وصل
من حيث تدري الدهر عگربه وحيه وصل
أوحتمآ يگرصه الدهر كلمن ترك رحمله
ومن دنيته لو رحل ماتنذكــــــــر رحمله
الذنب ذنبـه تـره مـــن الاثــــــــم رحمله
خسران هذا الصنف مهماتصدق وصل
الشاعر ابو امير الكلابي
*************-
ندعي باليل وصبح يالمهدي عجل وهل
معروف طيب اصل. تحل شدايد وهل
عجل ظهورك سيدي ادعي بصلاتي اوهل
الفرحه .نعمه بمولدك للنبي طه بشر
ندعي يسهل مخرجك اهواي زلفت بشر
تفتل بشرهه الخلك متغيره موجن. بشر
كثران زاد الظلم عجل هلالك وهل
الشاعر كاظم الزاملي
***********
ياهيه يلي غبت ارجاك بلكت ترد
همي ابغيابك ثگل جرحي وحياتك ترد
بلكت تجي اوافتره عل الشامتين ترد
من حيث لن الگلب زاد ابغيابك ونه
يلحادي ريض صحت ماچن سمعني ونه
مشتاگ الك والنبي مالك يخلي ونه
نبع ا لحنان الچنت بالعطش مني ترد
جفيت اولا خبر منك وردنه،،،،،،،
ابغيابك راحت الوانه وردنه،،،،،،
يدهري اشبيك دجمعنه وردنه،،،،،،،،،،،،،
على الديران خل نلتم سويه،،،،،،،،،،،،،،
الشاعر ابو كوثر الغريباويباوي
**************-
يهـواي تدري الگلب يمـك فقـط يامن
وهمومـي من تبتـعد كلـهن علي يامن
ترضاهـه أعيش بكدر وبحسرتي يامن
وحدك سكنت الگلب وتعيش في داخله
وحـته الطبـيـب الـذي عايـن ألـه داخله
ناصـر حكيم إو صفـه طـوره مع داخله
حبك أله برغبتك أحچي الصدگ يامن
ـ ـ ـ ـ ـ ـ ـ ـ ـ ـ ـ ـ ـ ـ ـ ـ
1/يأمن
2/جامن
3/ يا من / يا فلان
4/ بداخله
5/ أحتار به
6/داخل حسن
7/ يتمنن عليه
الشاعر أبو صلاح البيجواني
*********
♡يامهيرتي♡
الجموح لاتخجلي
امطري قلبي شوق
ياقصيدة عاطفية..
روحي بدربك خطاوي
ياريمة الغزلان يابنت
الأجاويد الأصايل
هلي وعمامي رياح
يوسف لا تأتي نسائمه
الا لقلب كان هواه يعقوبا
انا لقصد حماكم يااهالي
الفنجال والدله أناشدك
ياكحيلة العينين عجل
بسيرك يم الأهل والخلان
أني هويت ريمة الغزلان
الكنت مضيع علومها
وأثرها الحسن برمش
العين يا حلاه ماهويت
دله وجدايل عالكتفين
دله بالله يانديمتي
قولي جبتي الحسن
من وين أريد أسألك
ياشجرة الدبله تمر
نخيل طول متجلى
أسمحيلي أدخل لقلبك
وأبني بيت وعيش
بيه ياريتني نخله
كل مامريت أشوفك
وأتفيا
الشاعرة جلنار الشام
**************
راح التعشكه الروح سكن بعيد
شوفته صار للعين حلم وعيد
انطي العمر كله هديه لو يعيد
منساك وحك شهر رمضان واجره
تضل صورتك بكل نفس أجره
شنهو الزعلك مني وشنهو الجره
لو اعرف الاسباب تهل الأعياد
الشاعر جميل السندي
تعليقات