أمي
امي جنه .. امي دنيه
امي منبع طيب مديوف ابحنان
امي بستان الخضار
من حضنهه اتعلمت طبع الامان
امي شوگ البيهه محنه
ايعادل اورود الجنان
ومن تنام ...
تنام كل الدنيا يمهه
چانت اتسولف سوالف
عن ابوي ....
وعن هذيچ العشره
ممليه ابسعاده
ومن عگبهه .. الفرحه شالت
والوسن عاف الوساده
صارت اهموم وتعب
بس كابرت ...
شالت الدنيا ابمتنهه وصابرت
ابلايه ابوي .. الحمل يثگل
تصعب اعليهه القياده
اتحملت ..
صبرت ونالت
خضرن سيگان حبهه
انترسن اورود وعطر
من دم گلبهه
وآخ لو تدرون بيه
اشگد احبهه
بقلم الشاعر علي حنون حسن العامري
تعليقات