مر بيه حال الفكر صافن وادور حل
مقتنع بس مامقتنع حالي صفه بيا حل
واقعة طف كربله شلتني حيل وحل
طفل وعميد ومره وشاب انتخت للطف
گدامهم مو بشر جابوها بالطف طف
وعباس وحده جبل تسجد عليه وطف
روس العساكر غدت عن المخيم حل (حاجب)
....
بقلم الشاعر. ابو مهيمن الركابي
Kh Mahdi AlRekabby
********
مـن صـاحـه گـرّب الـي ليش النـهـر / ماجـله
لا وگـف حـيّا الـگـمـر لا رعــد لا / ماجـله
يدري ابگــلـب هل العدو زنجاره ابد / ما جـله
بس ما نهض وانتفض گال ابشر انه / لـهـا
لا تنـفـطـر لا تـجـف بالـعـطـش الكم / لـهـا
مـا لـنـا وي هـالـبشـر حســبه وأهي ما / لـهـا
يا حـيـف سـاكـت بـقـه ولـهـذا ابـد / ماجـله
... بقلم الشاعره العراقية ...فضيله العامري
*********
كال ارحلوا ياصحب خايف تحل ماسره(الاسر)
عدكم سواد و ستر طابورهم ماسره(لم يتحرك)
كالوله موت بفخر يمًك يكن ماسره(سرور)
الكل وكف جانبه والكل جمع عاد له(رجع له)
بس جيش اهل الكفر شايل حقد عادله(عاداه)
لاجن فلا مقتدر منهم بطل عادِله(ساواه)
كالوا غريب الوصف من ياخلك ماسره(سره)
بقلم الشاعر حبيب الخفاجي
*********
الۍ كريم اهل البيت
سبحان من خالقه چنه گمر بلحسن
والكرم مضرب مثل مااوصفه بلحسن
والروح ويه الگلب يتعاتبن بل حسن
تقصير خافن حصل ويجوز مني يره
شكتب حرت بالورق والدمع مني يره
يوم النخيته أبعسر والبيه مني يره
حالي تحسن كفو والفضل بل حسن
خلق واخلاق يملك والحسن لاه
كرم شوصاف شتعد والحسن لاه
الفزع عل حال عدل والحسن لاه
اشكره بجاها ماظل عسر بيه
بقلم الشاعر ابو علي الصالحي
1/الجمال
2/الامام
3/احساس
4/جره حصل
5/يجري
6/يشوف
7/حسن حالي.
***********
نور النبي من هبط يم كربلا طفه
وهناك لمن نزل نار الفتن طفه
جدامه مثل الغنم جيش الكفر طفه
ماكفته الروس اجساد اشكثر جفه
من ايده رغم الضمه ماي النهر جفه
عين ونبل ذاك اله وهنا شمر جفه
عباس فدوه العمر لحسين وال طفه
علي تكليف الصكبان
عباس مامش أبد للخوه مثلك وفي
حامي الزينب جنت والخيمه ألهه وفي
عينك عماهه السهم مطبور راسك وفي /فج الراس
الروح ما سرَهه عالصار بيك وجرى
والدمع من هامتي لملم سيوله وجرى
يا خوي عفتك غصب والظعن سار وجرى
وما نشد عن حالتي والصار بيها وفي /فيه
بقلم. خادم الحسين ع
الشاعر /أبو صلاح البيجواني
4/8/2023
**********
من الليث يطلع شبل
شبلك علي كافله
علم او شجاعه او عزم
كلهن اله كااااف اله
عن الحسين الكرب
بالنازله كف اله
عالگوم سيفه شهر
موت او سگم كر. بله
مثل الحسين العزم
كرار كره بلا
چفين انطئ بعطش
تشهد اله كربله
العباس شايل رايته
والضعن بي كافله
ب ق سليم عبد الفرحاني
الجناس الأول
يكفي لها
كافة الصفات الحميده له
كف الكرب عن وجه الحسين
الجناس الثاني
كر بلا، ووبال عليهم
كر بكلمة لا، رفض للظلم والجور
كربلا، مدينة
الرباط الكافل هو ع
الشاعر سليم عبد الفرحاني
********
بالدنيا والآخره يحسين إلك مَنزله
بقرآن رَب العَرِش چَم آيه إلك مُنزله
وبأربعينك مِشَت كلمن ترك مَنزله
إتعنّاك ، برويحته مِيّة عَزا مِنصب
ويسيل فوگ الوَجِن دم مو دمع مِنصب
نِهواك رَغم العِدا واللّي إلَك مِنصب
حبك يِضَل بالگلُب يا سيدي مَنزله
محسن الزاملي ٢٠٢٣/٨/٤
تعليقات