أبوذيه للشاعر
سليم عبد الفرحاني
وبماذا أجابوه شعرائنا.
قال
***********
جثم وارتع عزمنه يرعه بينه
وبعدنه من المراجل يرعه بينه
كسرنه اجفوف رادت ير عبينه
او بقينه عگال هيبه بكل قضيه
سليم عبد الفرحاني
****************
أجابه الشاعر
علي ابو حسين
اخوي بشدتي والوجه داره
احس تيزاب بالدلال داره
احلفت للموت ماطب بعد داره
لأن مايوم فك بابه اليه
علي ابو حسين
*************
أجبته انا
علي حنون الخيكاني
بمراجل لاتظن فد يوم خفيت
ولا چلن جفوفي بغضب خفيت
اخوي بيوم هدوا علي خفيت
ولا چنه أخو ويوفي الخويه
علي حنون الخيكاني
***************
أجاب الاخ الشاعر
عدنان ملخ الكربلائي
هدم حيلي رحيلك،، مرمراني
اضوك العسل عگبك،، مر مر اني
حجر صيوان اصلي،، مرمر اني
شما اعتك ترد الروح بيه
،،،،،،
اروحن فدوه لعيونك،، وطولك
هنياله الي وصل يمك،، وطالك
راسي الماوطه الغيرك،، وطا الك
الكلب والروح ماخذهن سويه
*************
اجاب الاخ الشاعر
خلف الركابي
ابد عيب الليالي مال هنه
وجفونه اعناد منهم مال اهنه
الگلب ياناس ادري مال اهنه
چيف اركاض يركض للأذيه
ايضا أجاب
ابد عيب الليالي مال هنه
وجفونه اعناد منهم مال اهنه
الگلب ياناس ادري مال اهنه
چيف اركاض يركض للأذيه
Kh-Mahdi Al-Rekaby
***********
اجاب الاخ الشاعر
أدريس ال المعاوي
يرعت الحنظل وطيب يراعي
لجله وماكو البحالي يراعي
اللّه يگول كل راعي يراعي
رعيته وما رعيت انته الخويه
****************
أجاب الاخ الساعر
الاستاذعبدالستار العلي
اذا صالن شگرنه يرعبنه
عدونه اوما تجرأ يرعبينه
الدخيل اطب ديرنه يرعبينه
بأمان ابين خلانه وخويه
*************
أجاب ايضا الاخ الشاعر
خلف الركابي
جبال وراسيه احنه ماخفينه
ابد واضح عزمنه ماخفينه
وعلي تشهد علينه ماخفينه
تظل صولاتنه تهز الثريه
**************
أجاب الاخ الشاعر
أبو جلال الحواسي
همي مــــن زغــــــر بالگلب سده
وعلي بابـــه الحسبته عون سده
يبيني اخضع وصيرن حدر سده
وانـــا المايـــوم دنگ هـــام اليه
******************
أجاب الاخ الشاعر
ابو وسام الحمزاوي
الوكت چال بطوس ظيم بلحيتي
عضني أحس والنيبان وصلن لريتي
ايضا أجاب الاخ الشاعر
ابو وسام الحمزاوي
شكثر هزيت باالمنخل وصفي
هديب اوماوصلت حدود وصفي
العواذل گعدت بصفك وصفي
حچو عني اودرت وجهك عليه
**************
أيها الاحبة اتحفونا بما عندكم من دارمي وابوذيه ردا على هذين البيتين.
محبتي لكم انا محدثكم
علي حنون حسن الخيكاني
رئيس مجلس الادارة
وبصحبتي الاخ المهندس سعود علي ناجي. المدير العام
والاخت الاستاذه. نور الشام. معاون المدير
والاستاذه. آمنه الاسدي. المشرف العام.
تعليقات