صعب توكع واشوفك وسط شمات
ظل واكف مثل عودة البرية
لو تجلد مثل عطشة الصبير
صابر محتمل حرة الظهرية
بالك يوم تظعف لا تطخ راس
خل هامك يدك بعلو الثرية
وسرك من تدفنه خله جواك
لاتأمنه كبل ما تعقد النية
خلي شراعك يهادد بالامواج
لاتهزك ابد نسمة. عذيبية
خل شوفك بعيد بظل نواطير
تره الشوفه بعيد يفوز تالية
لروحك لا ترخص واوكف وكوف
مثل وكفة البردي لريح شرجية
وجدمك لا تعثره وعاين كفاك
ولو طال الوكت عدل نواصية
وانزل دون ربعك ترفع الراس
تصير انت علم وأهلك السارية
وفتوة صير من تدخل بديوان
صفن الناس من تحجي بسوانية
وخل حظك وبختك يحجن وياك
وحجي التايه ابد لاتجيب طارية
تصح عقول ماتندل ولاتشور
وحجي المعسول ماتفسر توالية
وترة الشايل بخت حته إذا طاح
يتوجه عله بخته تكول صل حية
قلمي الشاعر العميد سعد العوادي
تعليقات