الحلم
للشاعر قاسم السعيدي
مر بيه الحلم چني بشهر عاشور ..............
............ وسط الغاضريه وعيني عالمصرع
شفت أقمار بالطف مو جثث عالگاع .........
........... منها النور حد وجه الشمس يسطع
بيها حسين جثه موذز بلا راس ..............
........... حاچيت النحر لن منه صوت أسمع
سأل شيعي إنت صحت من المهد مولاي ...
......... گلي إحچي بهـــــــمس لتفزز الرضع
عاين عالخيم خافن ولتها الگوم ..............
............. من عگب الليوث المارضت تركع
خافن خدر زينب ينهتك وتشوف .............
................أجلاف آل أميه خيال من تطلع
گتله الخيم راحت فرهدتها النار ...............
........... والأيتام هجت مـــــــــــا بعد تهجع
رد گال النحر عاين لي عالعباس ...............
............. ما معقولة نايم لخته مــــــا يفزع
گتله الگمر طاح وسهم وسط العين .........
........... مگطوع الچفوف إبن الفتى الأنزع
فزيت ولگيت دموعي عالخدين ..............
............... والحسرات ببتوت الگلب تشلع
وأحس رض وكسر بضلوعي من فزيت .....
......... چا شفت الخيول إعلى السبط تدرع
تعليقات