(مساجلة ألابوذيه )
*****************
أتشرف بالوقوف أمام قامة من قامات الادب والشعر والخطابة
الا وهو المرحوم العم ابو خالد (عبدالله رسن العامري )
ماذا قال في الابوذيه العراقيه..
*************************
اون والون على الحيين ..لاميت..
اظل بالونه طول العمر.... لاميت.
بچيت.وكلها صاحت علي لاميت.
على العدلين تبچي بها ....الثنيه.
.................................................
يموت الطيف بالونه ويحيى.
يمر الليل بدموعي ويحيى.
وحگ البلمهد حجة ويحيى.
بعد حيدر فلا للحگ بجيه.
..............................................
بثدي ضيم النوايب.. يرضعنه.
وعلى افراگ الاحبه يرضعنه.
عسى ربنا بخواتم. يرضعنه.
ونحيي ليلة اكتابه. سويه
للشاعر والاديب العم المرحوم أبو خالد العامري
*******************
أجاب الاستاذ قاسم السعيدي
گطــع مانفــع بيـه ونــي ،، وناحاي
تنـام عيـون كـل فاجــد ،،، وناحاي
اليصد ميت يظن حالي ،،، وناحاي
البسـوس وعملـة أُم جســاس بيـه
......... قاسم السعيدي ..........
*******************
أجاب الاستاذ أبو يأمن
حبيبي مگدرأحذفه من قلبي وشيله
ويدمع العين مابطل مني وشيلة
يريتة لويرجع طفل وأحظنه وشيله
واذا تعبن متوني اشيله بثنين أدية.
أ.أبويامن الخطابي .سوريا
********************
أجاب ايضا الاستاذ عبدالستار العلي
أون وجروحي كثر النوح ولمت
أمجسه ولايفيد السحب ولمت
احبابي بين عني رحل ولمات
شسولف والنوايب گصن بيه
الاستاذ عبدالستار العلي
اظل مناطر اطيوفك وحيه
بهدوه ويهمس بروحي وحيه
اناشد وين ميته وحيه
هلي وناسي ومرابعه الزهيه
عبدالستار العلي
****************
أجاب ابو وسام الحمزاوي
بعد ماوچد بعيني بهاماي
اوذلولي ناحر البيده بهاماي
الوكت يوجر إبطگاته بهاماي
عليل وكثر الصگعات بيه
ابو وسام الحمزاوي
****************
أجاب الشاعر سعد العوادي
وحك طه النبي وموسى ويحيى
وعيسي الطيب الابرص ويحبي
كلبي يموت بفراكك و يحيا
اموت واحيا من تمر علية
قلمي الشاعر العميد سعد العوادي
**************
اجاب ابو حسن الفتلاوي
دورج بالهموم اوزان شي جيل
يدنيه الفارك امحبين شي جيل
زلمه ادكول اجاني البين شجل
هدمه وكام حيل ايروك بيه
أبو حسن الفتلاوي شاعر الليل
****************
اجاب الشاعر ابو حسن الفتلاوي
دورج بالهموم اوزان شي جيل
يدنيه الفارك امحبين شي جيل
زلمه ادكول اجاني البين شجل
هدمه وكام حيل ايروك بيه
أبو حسن الفتلاوي شاعر الليل
************
اخوتي اخواتي
سوف يكون هذا اخر برنامج
لن يقبل اي نص ماعدى النصوص الدينية. والشعر الخاص بأهل بيت النبوة الائمة الاطهار صلوات الله عليهم أجمعين.ابتداء من يوم الاول من محرم الحرام ولغاية 20 من صفر.
اغتنموا الفرصة اليوم ودونوا مايجول في خواطركم
تقبلوا تحيات محدثكم
علي حنون حسن العامري
رئيس مجلس الادارة
وتحيات المهندس سعود علي ناجي
المدير العام
وتحيات الاستاذه نور الشام
معاون المدير العام
تعليقات