(كلشي يهون)
رثاء المرحوم مقداد محسن العامري
كلشي يهون
بس جرحك غميج وغرگ اليبجون
ارخصنه الدمع من فرهداك البين
وعلگن بالضلوع أوَجَّر الجانون
مو وكتك بعد يلبيك عازت ناس
يلشديت رحلك وي اليعزون
ماندري القدر وكتاب الك مكتوب
ذبلت ورگتك وكتاب الك يقرون
گصدنه للغري نسدد علينه اديون
للراحو حزن بگلوبنه مرهون
فرغنه السواجي ونزلينه هموم
وجبرنه الخواطر لاجرح ملجوم
لجن ماله الوكت ميشوم
ما ريض وتانه ولاجزانه بسوم
اجانه ارداف يخطف لزمة الزردوم
جن صيده بگه يمي
يطاول بس سماي يحوم
خطفهَ وصفت بالطيبين
لجن هذا الاجل محتوم
كل راحل تراهُ وفان
بس وجه الله باقي يدوم ،،بس وجه الله باقي يدوم
الاستاذ عبدالستار العلي
29/6/2022
تعليقات