افز بالليل ..
تالي الليل
واصرخ حيل
ولك ياريل
مابيهم بعد جيه
ولو بالطيف
جية ضيف
اترسله الفراش اچفوف
واشبگنه شبگ ملهوف
ماظل بالعمر رازونه
ماصاحت عليه اشبيچ
اريد أبچيك
واصعد بيك صعدة سيف للرگبه
أنه ابدونك احس غربه
ولك ياحيف
مرن چم شته وچم صيف
لارايح وروح اوياك
لنته الجاي ..
يذبحني غيابك ذبح من مگفاي
عالمرايه ..
بقلم شفه أكتبنلك
وتنيتك ماي
يروي الذابل بروحي
ويعيد المات
من ذيچ العجاف
الخزنتهن شوگ
يايوسف زليخه
تريد بوگك بوگ
باوع فوگ
شوف الشيب صاير طوگ
شوف العين
ماوچد بعد دربي
وسواجي ادموع عالخدين
يالبين الضلوع اتنام
بيني وبين .
وين الگاك
وين و وين ؟
زهراء الهاشمي
تعليقات