انخة الله رب الکون بالمصطفی اليوم
بالفرج عل مکروب والعمره محروم
انخة الله بالکرار ذاك الحمه الجار
يخلص جميع الناس من هم الايجار
انخة الله بالزهراء وگليبي دامي
بخير العراق يصير مابيه حرامي
انخة الله بالمسموم اصل الکرم ذاك
ترحمنه من العوز ملينه نرجاك
انخة الله بالمسلوب والضحه للدين
يکفينه شر الناس کلمن ردي وشين
انخة الله بالسجاد وادعي العليله
يهون العنده اهموم کلش ثگيله
بالباقر ارد انخاك وينك يمعبود
ترحم بهل ايتام ملبسهم اجرود
بجعفر الصادق جاي انخاك الغروب
خلص عراق الخير ياربي مسلوب
جاي انخه بالمسجون موسی ابن جعفر
تفزع يربي الناس فرهه الوکت فر
انخة الله بالبيران وبغربتة اعليه
الباک الوطن بالداء کل عمرة تبليه
جواد الاٸمة اعليك ياربي عالحال
لا کهربا لا ماي ظلمونه الانذال
انخة الله کل مصباح بالهادي اريده
بخير وفرح هالناس دوم وسعيده
ياربي اريد انخاك بالعسکري اعليك
الفرج من الضيج للوادم ادعيك
بالمهدي عجل کون يوميه ادعيك
ياربي ابد ماخاب منضن فرج بيك
انخة الله بأهل البيت وادعي النبي ايوب
اتسد رمق كل جوعان وكت العشه يلوب
انخة الله بأبراهيم وبعيسی وبهود
الرزق شح عالناس بس عنده موجود
انخة الله بالمصلوب والبلعتة الحوت
يحضرنه حامي الجار وي ساعة الموت
انخة الله بأم عباس ينغرعلينه
لا عمل لا تدبار واگصار ادينه
انخة الله بالعباس خير ورزق کون
للفقره و الايتام کلهم يشبعون
امشي موسی اعليك وبيوسف او لوط
ياربي فيض الماي واترسهة الاشطوط
وبجعفر الطيار وبحمزه وبعون
يالاهي تهجم بيت کلمن يبوگون
انخة الله بأسماعيل ومروته بأسحاق
يحفظ جميع الناس کل شعب العراق
انخة الله بسليمان وب صالح اوياه
وبالکفل وي الياس عل غثنه يبلاه
تکفينة يارب کون شر کل سياسي
ماشفنه منهم خير بس المٸاسي
چلبو چن عميان بينة ويحکمون
ياربي دم الناس گامو يمصون
✍🏿 ابوعلي الصالحي
#گولو_امين_يارب_العالمين
تعليقات