(غربيل)
غربلت ربعي وردت ياهو يطيح
طاح بس اليضحك بوجهي جذب
هذا طبعي اليعجبه يكمل وياي المسير
الما يعجبه يشوفله صرفه ودرب
هذا حال الدنيا تغدر بالشريف
تصد وجهه بوجه الطيب كلب
اني ما معتاز بس طبعي حنين
وجدمي يم الخير تلكاهه تدب
عودتهه عله الصعاب وماتخاف
وتعلن عله الباطل كرامه وحرب
اوزعت بيهه ثمر كل الالوان
الكط بكيفك واكل شما تحب
الاخو للعازة منيحة المثل كال
انته تحصد شوك وبدربي تذب
انه راح اطرد الما رايدني نوب
وراح يبقه بكلبي كل طيب كلب
اليحبني اعتنيله لروحه روح
يدش كلبي كل وكت يكدر يطب
وأنه غربيلي وسع ما يطخ راس
طيح الشيلم وما طاح الشلب
قلمي الشاعر العميد سعد العوادي
تعليقات