اجلبنك يليلي اثنعش تجليبه
تنام المسعده وتكول مدريبه
اجلبنك يليلي والعگل مشدوه
ولا واحد يمر بي والعطور تفوح
لا ليل الانامه بالسهر مفضوح
نص الليل اندبك وماتمر بي
مانمت الليالي وبالصبر محسود
لان غابت شمسكم والگمر موجود
وماحسبت ذيج الايام تعود
راحت سنيني والبلاء بزود
اجلبنك يليلي والعمر عده
جزه الخمسين ومامنه بعد رده
حسبت ايام وليالي العمر بعده
مثل ماي السراب تركض بلا رده
لارده بعد هذا العمر هالفات
لان بيه المصايب مكلفات
لاواحد نشد لامر ولافات
البيت اظلم عكب هاللمه
اجلبنك يليلي والسهر مريود
افكر بالحبايب والباب مامسدود
اكولن بلكي يرجع الغايب لي اردود
لجن ماظل صبر عگب ذيج الليالي
علي حنون العامري
14/4/2022
تعليقات