الناصريه
الجام ابلاوجه يوگف بوجه الريح.
بزغر فوهة تفكتي الكل محاچيهه.
طبع رحه بصبرنه وعيد للجوعان.
ياحسرة الثكله ويا نواعيهه.
ادور بالوجوه ادواره وين الگاچ.
امنه الناصريه وننعرف بيهه..
ياكبر المحاچي البيج يم الطين.
يحضن من القوافي ونتتچي عليها.
يانخله بجرف ياخيمة الصياد.
يابت المضايف من محاچيهه.
يسبابه وچفن يل كتبت المضموم.
سبع تالاف عام اومو مباينهه.
يشماغ الحضاره انرسم بيچ اهواي.
يمتون الزلم كشخت خواچيهه.
مواگد للنبوءه البرد نازل بيچ.
سلام من العرش بردآ بطاريهه.
يبت البي نفع هوري وشعر عريان.
يمملوحه وجميله الحسن غاطيهه.
يحربه بنص عدل تنضم وگلي شلون.
البوذيه بيا جناس گلوب تچويهه.
يلترست المنبر شعر بس لحسين.
وين ام الدمع تشهد قوافيهه.
مادنگت مره الناصريه اچفوف.
تعوف الناصيه وتنوش عاليهه.
الشاعر ناجي الماجدي. العراق
تعليقات