الشاعر الكبير فيصل الطفيلي
****************
أنه الضليت أسولف كان ما كان
مدمن عل الطعن وحسب نياشين
وأعتب والمعاتب صدى إبحيطان
ويطشه الهوى بين الدرابين
أنه المحسود عدي إهواي صحبان
بس لهموا حچي إبحلگ الدواوين
لگوا طبعي سهل چن عودة الزان
أطاوع بل المعاتت وين ما وين
شبع بيه الغدر چن ذيب جوعان
أكل حد ما عمت بيه السچاچين
أكابر ما گلت للينخه تعبان
وسولف عل الونس مثل السلاطين
يعد بيه العمر والوكت سجان
ولحن ونتي إبخلگ المساجين
وغني لشماته أبخفة إلسان
ويبچي الناي حزني بطور ترفين
كلها إتحب طرب والمنكوب سلمان
وبطر محسوب إسمه إعله المطربين
وشوف اليبتسم بسنون شيطان
وينس بين البشر مثل الثعابين
أنه إستاد البچي والوجه فرحان
وبراسي الحزن ناصب صواوين
ما أهاب الجمر والحطب شكبان
صبر دله إتعشگ جمر الچوانين
بيدرنه الصدگ ما خالطه إدنان
ونبيع الصفو وما عدنه وجهين
ونشيل إچفوفنه من نسمع أوذان
وندعي للخلگ ونصيح آمين
اليحب الخير يلگه الخير بيبان
وينطشله هلا وسط الميادين
ساعه وصاح ناعي مات ابو فلان
تسيارة إضيوف وكلنا ماشين
الشاعر
فيصل الطفيلي
2022
تعليقات