الشاعر الكبير فوزي المسعودي

 كتب أحدهم يقول..

ابد ما حس بخساره عندي كل رايح ربح...

....

وانا اقول...

.....

شلون حاسبهه دكوم احسبها زين..

شلون كل الرايح برأيك ربح...

مره أم تروح مره يروح اخوك..

مره تحتاج الضوه وضاع الصبح...

الدنيه وكحه عيد ترتيب الكلام..

وخلي فاصل بين جرحك والملح...

اخذ من غيرك العبره بالحياة.

القوافي التنكتب بس للنصح...

شوف شك العاشك وخوفه عليك.

يريح أعصابك ولو طبعه يلح...

مايقلل قيمة الورده النفاق.

والذبابه ما يجملها المدح...

بالك يغرك الشيطان الرجيم.

اخذ حقك لكن اطباعك سمح....

لا ترخص روحك وخلك عزيز.

وعيب تمدح زلمه مايسوى المدح...

منهو كلك ينجبر خاطر عزيز..

الروح بيهه كسور ابد ماتنصلح..

لو اجاك بعذر خنجر طاعنيك.. 

لا تمد جفوفك الجفهم صلح...

الغيره لو ماتت بنادم بس خيال..

لو تموت الكاع تختاض الفلح...

القافله الماتعثر القائد عنيد..

لا تضن ما اثر عليهه النبح...

وحته لو تصعد وعايش عل الجبال..

شلون ترجع وانت ما لاكي سفح...

لا تضيع العشره يل كلبك جبير..

عيش ويه السنبل بهيبة رمح....

الملح طعم الغانمه وطعم المضيف..

ورغم هذا نطشه بعيون الجرح...

.....

فوزي المسعودي الحلي