دارميات وجع
كلمات محمد الكوامي الغزي
مجروحه روحي تنوح نوح المثكلات
لأبيه ابطل النوح. لا رجع المات
مابيه ابطل النوح لا كف الدموع
مؤكد جمر فركاك حدر من الضلوع
مؤكد جمر فركاك يسعر احس بيه
اتلهوج من الضيم مابيه اطفيه
اتلهوج من الضيم والحسره والاه
كون بلحد مدفون وي الفكدناه
كون بلحد مدفون وي سلوة الروح
ينزف دليلي عليه بفراكه مجروح
ينزف دليلي عليه صعبه اكدر انساه
اندب واصيح بصوت ياخويه ويلاه
اندب واصيح بصوت وي وكت الغروب
ولو حط ظلامه الليل ارد واصرخ النوب
لو حط ظلامه الليل وانخمدت الناس
اختنك بالعبرات كوه اشهك انفاس
اختنك بالعبرات لو جلجل الليل
اه ياصور ذكراك هد هدت الحيل
اه ياصور ذكراك مافاركتني
من عيوني تنزل نار عل خد جوتني
من عيوني تنزل نار واتهيل الجفون
وصار الدليل رماد بالحسره مطحون
تعليقات