يالاحباب
كلمات الشاعر المبدع والمتألق
محمد الكوامي الغزي
يل احباب يذبح حيل فركاكم يل احباب
اهات القهر منها الكلب ذاب
جمر من الجفن فوك الوجه صاب
* * * * * * *
يل جنتو للساتر ملح
وعل ساتر اشمحلاكم
ضلينه باهات ودمع
من يوم فاركناكم
يعزاز ماتت ضحكتي
من يوم ودعناكم
مو دمع عيني تهل صور
كلهن صور ذكراكم
تغيبون ابد ماحسبت عني تغيبون
اعيش بدونكم يرويحتي شلون
جروح انتم وسط روحي تنزفون
* * * * * * * * * * * *
حدر الضلع مؤكد جمر
ماتطفي نار احزاني
تتلهوج الروح اب الم
اه يل فراك اذاني
ون اليتيم بليل اون
واندب واصيح اخواني
ايام الكضيناهن سوى
ماضنها ترجع ثاني
بالإلام اغص أباه ذكراكم بالالام
واصفك كصتي والطم على الهام
مارجعن بعد حلوات الايام
* **
وجوه الاعزاز أهل البخت
وسفه الرمل غطاها
ياما تسامرنا سوى
وياما كعدنه وياها
وحدها عيني تكت دمع
كل مايمر ذكرها
المحفوره بجدار الكلب
شلون الكلب ينساها
يل فراك مشعوب الكلب منك يل فراك
اصيح بصوت اون ياناس مشتاك
نحل عودي وكمت كوه انكل الساك
* * * * * * *
اصفن وعاين بالصور
واتلهوج اب اهاتي
مو دمعه تلسع جن جمر
من الجفن دمعاتي
كل ساعه يخنكني النفس
اه اشهك بعبراتي
بس الذي فأكد اخو
يفهم الم جلماتي
يحسون بس الفاركو مثلي يحسون
وي جلماتي منهم تهمل عيون
من اصرخ اااه وي اهي يصرخون
تعليقات