ملك نهر الفرات وما شرب عباس ..بس الماي غيره بجفه ظل يشرب
خله اجسادهم مثل النخل لو مات… كل فحل وشجاع گبالك محدب
ضاگت كل وسيعه وما تعب عباس… ملك الموت لم أرواحهم يتعب
رجع للخيمة ما أقصد رجع يرتاح .. كحل عينه راح بشوفته لزينب
ندري الشمس زينب و الگمر عباس… . وخلاف الشمس طبع الكمر يذبل
من طب على اخيته مدنگ الها الراس… يتعذر يگلها شلون من أرحل
سالن والدموع جوابها اعتاب… أدري بك شهم يالكافل معدل
تعوف أختك وحيده بولية الاجناب… تدريني عزيزه ويوم ما أنذل
أطلبنك طلب وآخر طلب هاليوم … لا باب الأخوه بطيحتك ينسد
علگ من رايتك تنطيني ياعباس … أخليه بمچان الحبل لو ينشد
مو مالت حبل تدريني ياصنديد… وأشكال الشماته بعينها تصد
طلعت من المدينة برايتك وحماك.... عني شلون تگدر ترحل وتبعد
حسين علي الطائي
تعليقات